- తెల్లాపూర్‌లో శ్రీగణేశ్‌ మెడికల్‌ షాపుపై ఎస్‌ఓటీ దాడి.. ఇద్దరు అదుపులోకి
- ప్రిస్క్రిప్షన్‌ లేకుండా ‘పైవాన్‌ స్పాస్‌ ప్లస్‌’ క్యాప్సూల్స్‌ విక్రయిస్తున్నట్లు పోలీసుల సమాచారం
- నమ్మదగిన సమాచారంతో దాడి చేసిన ఆర్‌సీపురం ఎస్‌ఓటీ బృందం
- తెల్లాపూర్‌ మైఫెయిర్‌ రోడ్డులోని మెడికల్‌ షాపులో ఇద్దరు అదుపులోకి
సామాన్యుడి అస్త్రం / తెల్లాపూర్‌ : వైద్యుడి చీటీ లేకుండానే మందులు విక్రయిస్తున్నారన్న సమాచారంతో శ్రీగణేశ్‌ మెడికల్‌ షాపుపై ఆర్‌సీపురం ఎస్‌ఓటీ బృందం దాడి చేసింది. కొల్లూరు పరిధిలోని తెల్లాపూర్‌ మైఫెయిర్‌ రోడ్డులో ఉన్న ఈ దుకాణంలో తనిఖీలు నిర్వహించి ఇద్దరిని అదుపులోకి తీసుకుంది.
పోలీసులు అందించిన సమాచారం ప్రకారం.. దుకాణంలో ‘పైవాన్‌ స్పాస్‌ ప్లస్‌’ క్యాప్సూల్స్‌ను వైద్యుడి ప్రిస్క్రిప్షన్‌ లేకుండా విక్రయిస్తున్నారు. డైసైక్లోమిన్‌ హెచ్‌సీఎల్‌, ట్రామడాల్‌ హెచ్‌సీఎల్‌, ఎసిటామినోఫెన్‌ కలిగిన ఈ క్యాప్సూల్స్‌ విక్రయాలపై నమ్మదగిన సమాచారం అందడంతో ఎస్‌ఓటీ బృందం తనిఖీలు చేపట్టింది. ఈ సందర్భంగా విక్రయాలకు సంబంధించి ఇద్దరిని అదుపులోకి తీసుకున్నట్లు పోలీసులు తెలిపారు.
అదుపులోకి తీసుకున్న వారి పేర్లు, తనిఖీల్లో గుర్తించిన క్యాప్సూల్స్‌ సంఖ్య, తదుపరి చర్యలకు సంబంధించిన వివరాలు తెలియాల్సి ఉంది.
